Capital bajet blong Vanuatu blong 2024 we hem introdius long Palamen yestede, hem som positive outlook blong growth long development mo economy blong kantri long dis yia mo neks yia.
Finance and Economic Management Minista blong Vanuatu, John Salong hem talemaot long Palamen se economy blong kantri bae grow long 5.2% dis yia mo 6.5% long 2025.
Bigfala growth projection nao hem long indastri sekta we Mr Salong hem se bae hem grow folem capital budget we gavman hem putum plande mani long saet blong ol capital projeks blong groem economic aktiviti raon long kantri.
Hem se gavman hem expektem indastri sekta bae hem grow long 12.2% long 2024 mo 22.8% long next yia.
Mr Salong hem se saet blong manufacturing tu bae hem grow dis yia...be bigfala risk long growth long hia hem long saet blong inflation moa sam narafala factors.
From ol yia long past kam kasem distaem, wan bigfala driver blong economy blong Vanuatu hem long sevices sekta.
Finance Minista Salong hem se services sekta bae hem grow long 4.6% dis yia mo 4.4% long 2025
Again, Mr Salong hem pointim aot se plande long olketa projeksen blong gavman long saet blong growth and developmen, hem depen tu long ol natural disastas olsem saeklon mo earthquake.
Hem talem aot olsem long last yia, olketa tropical saeklon Kevin mo Judy wetem Lola oli kosim totol lost and damej kost blong ova 94 billion Vatu.