Olsem long evritaem bifoa long wanfala general election, olketa politikol party and grup long Solomon Islands olketa kakam aot fo tok abaot olketa polisi blong olketa long wanem babae olketa laek fo duim sapos olketa win long eleksen and fomum gavman.
Gavana General babae hem officially talem aot date blong eleksen long neks wik, bat infomesen wea hem kam aot finis from Electoral Commission hem se 2024 general election bae hem long namba 17 blong April.
Apart from olketa politikol party wea stap finis, hem garem tu tutri niufala politikol party wetem niu coalition grups olketa fomum finis fo kontest long eleksen.
ABC niusmere long Honiara, Chrisnrita Aumanu Leong hem se 13 fala politikol party nao olketa i register finis fo kontest long disfala eleksen.