Tupla key eria long Solomon Islands we displa niupla coalition grup oli kolim Accountability Reform and Empowerment or CARE oli save kolim, em i laik lukim bikpla senis i kamap long saet long Education na Health and Medical sevis.
Displa CARE Coalition em blong Solomon Islands Democratic Party blong foma Opposition Leader Matthew Wale na Democratic Alliance Party blong foma praim minista we em bin memba blong Oppositiion tu, Rick Hou.
Mr Hou we em foma MP blong Small Malaita itok, sapos Care Coalition em win long April general elections na kam long power, bai em i meksua kantri em igat free education start long kindy go kasem long tertiary education olsem university.
Em itok tu olsem, sait long medikol sevis long kantri long displa taim em i bagarap olgeta na oli shot long marasin long olgeta clinic na hospital long kantri, tasol wanpla Care gavman bai senisim displa wari.